आमच्याबद्दल

अंथरवनप्रिंपी गणपुर हे बीड जिल्ह्यातील बीड तालुक्यातील एक प्रगतिशील गाव आहे. बीड शहरापासून केवळ सहा किलोमीटर अंतरावर असलेले हे गाव दोन महसुली गावांचे विलीनीकरण असल्याने भौगोलिक दृष्ट्या विस्तृत आहे.

गावामध्ये हलकी आणि भारी अशा दोन्ही प्रकारची शेती होते. गावातील बहुतेक लोक दूध उत्पादनाशी संबंधित असून काही शहरांमध्ये येऊन रोजी-रोटी करणारे नागरिक आहेत. भूमिहीन लोक केवळ २-३% आहेत, त्यामुळे गावात गरीबी खूपच कमी आहे.

आर्थिक परिस्थिती कशीही असली तरी गावातील सामाजिक परिस्थिती उत्कृष्ट आहे. सर्व जाती-धर्माचे लोक एकत्र आणि विचाराने राहतात. पाणी फाउंडेशन मार्फत रेशीम उत्पादक गट कार्यरत झाला आहे आणि त्याला मनरेगा ची साथ मिळाल्याने गटातील सर्व शेतकरी यशस्वी झाले आहेत.

गावात प्राथमिक आरोग्य उपकेंद्र असून सतत आरोग्य विषयक जनजागरण आणि उपचार होतात. दोन अंगणवाड्या आणि एक जिल्हा परिषद शाळा यांचा समन्वय साधून शिक्षणात गुणवत्ता निर्माण करण्यात यश मिळाले आहे.

'गावाच्या विकासातील महत्त्वपूर्ण यशांमध्ये:

• दैनिक लोकमत वृत्तपत्राचा "सरपंच ऑफ द इयर 2025" पुरस्कार
• जल जीवन मिशन अंतर्गत प्रत्येक घराला नळ जोडणी
• विज, रस्ते, पाणी या मूलभूत समस्या सुटल्या
• सर्व दलित व अल्पसंख्यांक वस्त्यांमध्ये रस्ते व पथदिवे
• विहिरींवर सोलार पंप बसवून विजेची बचत